एटली कुमार र शाहरुख खानको चलचित्र ‘जवान’ यतिबेला सबैभन्दा बढी चर्चाको विषय बनेको छ । चलचित्र ‘पठान’ पछि शाहरुखको यो वर्षको दोस्रो ठूलो फिल्म हो ।
साउथका हिट निर्देशक एट्लीले निर्देशन गरेको चलचित्रमा नयनतारा, विजय सेतुपति, प्रियमणी, सान्या मल्होत्रा, योगी बाबु लगायतका कलाकारको अभिनय रहेको छ । चलचित्रको प्रिभ्यु र ट्रेलरले चर्चा पाएको छ । यस्तो अवस्थामा सेप्टेम्बर ७ शाहरुखका लागि निकै विशेष हुने विश्वास गरिएको छ ।
चलचित्रले ओपनिङ डेमै बम्पर कमाउन सक्छ । तर शाहरुखको चलचित्र ‘जवान’ले कलेक्शन रेकर्ड बनाउन २१ दिन मात्र पाउनेछ । थाहा छ कसरी ?
एटली कुमार निर्देशित चलचित्र ‘जवान’ले सुरुमा राम्रो प्रतिक्रिया पाइरहेको छ । शाहरुखको फरक अवतारलाई फ्यानहरुले रुचाइरहेका छन् । चलचित्रको स्टारकास्ट पनि निकै प्रभावशाली छ । यस्तो अवस्थामा शाहरुखको ‘जवान’ ठूलो पर्दामा उनको चलचित्र ‘पठान’ भन्दा एक कदम अगाडि बढ्ने विश्वास गरिएको छ ।
ओपनिङ डे कलेक्सन १०० करोडभन्दा माथि जाने चर्चा छ । योसँगै रिलिजको पहिलो सातामै चलचित्रले नयाँ कीर्तिमान बनाउने दाबी पनि भइरहेको छ । यी सबै बीचमा साउथका ठूला कलाकारहरु पनि शाहरुखसँग प्रतिस्पर्धा गर्न लाइनमा छन् ।
सेप्टेम्बरको सुरुमा अर्थात ७ गते शाहरुख खान ‘जवान’ मार्फत थिएटरमा प्रवेश गर्दैछन् ।
त्यसैगरी महिनाको अन्त्यमा २८ सेप्टेम्बरमा प्रभास आफ्नो चलचित्र ‘सालार’ मार्फत दर्शकसामु आउनेछन् । अर्थात् शाहरुखको चलचित्र ‘जवान’ले कमाई गर्न २१ दिन मात्रै पाउनेछ ।
प्रशान्त नीलको चलचित्र ‘सालार’ २२ औँ दिनमा प्रवेश गर्दैछ र दर्शकमा यसको निकै क्रेज रहेको छ । यसअघि नै चलचित्रको राइट्स करोडमा बिक्री भएको खबर छ । यो चलचित्रलाई प्रभासको कमब्याकको रुपमा पनि हेरिएको छ ।
