मोडल एवं अभिनेत्री दीपासा बीसी ‘जलपरी’ को निधन भएको छ । । स्वास्थ्यमा असहज भएपछि उनलाई बुधबार राति थापाथलीस्थित नर्भिक अस्पतालमा भर्ना गरिएको थियो ।
बिहीबार बिहान अस्पतालले मृत घोषणा गरेको नर्भिकका सीईओ अजय मिश्रले जानकारी दिए।
दिपाशाले बिरानो माया, चाल, दुलही रानी र झेली फिल्ममा अभिनय गरेकी छिन् । उनको डेब्यु फिल्म ‘दुलही रानी’ २०६८ मा रिलिज भएको थियो ।
उनले फिल्मका साथै दर्जनौं बढी म्यूजिक भिडियोमा मोडलिङ गरेकी छन् । ‘तीज चाड नारीको, अच्छा लेकिन, नानी माई, सानी माया, तिमी नभए’ लगायतका दर्जनौं म्युजिक भिडियोमा काम गरेकी थिइन् ।
सुर्खेत घर भएकी दीपासा अविवाहित हुन् ।
