भिनेत्री दीपिका प्रसाईँ आमा बन्ने भएकी छन् । फिल्म निर्देशक एवं दीपिकाका पति दिवाकर भट्टराईले यसबारे जानकारी दिएका हुन् । निर्देशक भट्टराईले सामाजिक सञ्जालमा अङ्ग्रेजी नयाँ वर्षको शुभकामना दिँदै सन्तान प्राप्त गर्न लागेको जनाएका छन् ।
भट्टराईलेले सामाजिक सञ्जालमा दीपिकाको तस्बिर सहित लेखेका छन्, ‘तिम्रो अनि मेरो जीवनको सबैभन्दा महत्त्वपूर्ण अनि सुन्दर परिचय थपिएको छ माया ! तिमी आमा बन्दैछौं अनि म बाबा । अनि म कति खुसी छु । तिमीलाई कति धेरै माया गर्छु । यो अनुभूति भन्नलाई यो शब्द अरू अपुरो छ । मलाई थाहा छ तिमीले बुझेको छौ । यो हाम्रो जीवनको अनि प्रेमको सुन्दर यात्रा हो । माया जीवन भर तिमीसँगै यसै गरी हिँड्न पाईराखौँ । यही एउटा चाहना छ ।’
दिवाकर र दीपिका ४ वर्षअघि वैवाहिक वन्धनमा बाँधिएका थिए । यी दुई पछिल्लो समय ‘मायावी’ फिल्ममा व्यस्त छन् । फिल्मको सुटिङ सम्पन्न भइसकको छ ।
