चैत्रको ९ गतेबाट रिलिजमा आउन लागेको फिल्म ‘महाजात्रा’को फस्टलुक सार्वजनिक गरिएको छ ।
प्रदीप भट्टराईको लेखन तथा निर्देशनमा तयार भएको यो फिल्मको फस्टलुकमा मुख्य कलाकारहरू हरिवंश आचार्य, विपिन कार्की, रवीन्द्र सिंह बानियाँ र रवीन्द्र झालाई देखाइएको छ ।
फस्टलुक पोस्टरमा हरिवंशलाई ह्वीलचियरमा बसेको र उनीहरुको अगाडि पैसा नै पैसा उडाइएको देख्न सकिन्छ ।
हरिबंशलाई प्रमुख भुमिकामा राखिएको उक्त फिल्ममा बिपिन, रबिन्द्रसिंह र रबिन्द्रसँगै बर्षा राउत, दिव्य देव लगायतका कलाकारको पनि अभिनय देख्न सकिन्छ ।
षडकोण आर्टसको प्रस्तुति रहेको उक्त फिल्मका निर्मातामा म्याक्स दिपेश खत्री, यज्ञश्वर पौडेल र कार्यकारी निर्मातामा रबिन्द्रसिंह बानियाँ हुन ।
फिल्ममा पुरुषोत्तम प्रधानको छायांकन छ ।
