कलाकार संन्ध्या खड्का सडक दुर्घटनामा परेकी छन् । उनी सवार पठाओको मोटरसाइकल काठमाडौंको बबरमहलमा कारसँग ठोक्किएको थियो ।
खड्का ‘नारी’ सिरियलको छायांकन सकेर घर फर्किने क्रममा दुर्घटनामा उनी सवार पठाओ मोटरसाइकल बबरमहल स्थित मुख्य सडकमा कारसँग ठोकिदा दुर्घटनामा परेको हो । दुर्घटनामा परी खड्काको टाउको र शरिरका बिभिन्न भागमा चोट लागेको छ ।
खड्काको अहिले सिनामंगल स्थित केएमसी अस्पतालमा उपचार भइरहेको कलाकार उत्तम केसीले बताए । ‘खड्काको टाउकोमा टाँका लगाइएको र अहिले बोल्न सक्ने स्थितिमा रहेको खड्का अहिले खतरा मुक्त त रहेकी छन् ।’ शरिरका अन्य बिभिन्न भागमा चोट रहेको केसीले जानकारी दिए।
डाक्टरले खड्का खतारा मुक्त रहेको बताएपनि केही दिन अझै अस्पताल रहने केसीले सुनाए ।
खड्काले पछिल्लो समय प्रसारण भइरहेका ‘नदेखिएको जात’, ‘उल्टो सल्टो’, ‘नारी’, ‘सन्ध्या’, ‘ठीकै छ’, ‘परिवार’, ‘टुहरी’ लगायतका टेलिसिरियलमा अभिनय गरिरहेकी छन् । यसबाहेक उनको अभिनय रहेका थुप्रै म्युजिक भिडियो समेत सार्वजनिक भइसकेका छन् ।
