अभिनेता अक्षय कुमारले निर्देशक आनन्द एल रायको चलचित्र ‘गोरखा’मा अभिनय नगर्ने भएका छन् । यो चलचित्र भारतीय सेनाका मेजर जनरल इयान कार्डोजोको बायोपिक थियो ।
चलचित्र सन् १९७१ को युद्धमा आधारित थियो । मेजर जनरल इयान कार्डोजोले सन् १९७१ को युद्धमा उनको खुट्टा एक लेन्ड लाइनमा परेपछि खुकुरीले आफ्नो खुट्टा काटेका थिए ।
निर्देशक रायका अनुसार चलचित्रको स्क्रिप्टको काम अन्तिम चरणमा रहेको छ । कथा पूरा भएपछि चलचित्रको छायांकन सुरु गर्ने रायको योजना भए पनि अक्षय पछि हटेपछि कसलाई अभिनय गराउने भन्नेमा अन्यौलमा छन् ।
अक्षय चलचित्रबाट अलग्गिएको उनका प्रवक्ताले पुष्टि गरेका छन् । तर के कारणले उनी अलग्गिए भन्ने विस्तृत खुलाएका छैनन् ।
