चलचित्र ‘चि मुसी चि’ आजबाट देशभर रिलिज भएको छ । मर्ण जेम्स र यश सैनीको निर्देशनमा तयार भएको यो चलचित्रलाई रिञ्जु केसी र अरुण चक्रावर्तीले मिलेर बनाएका हुन् ।
एमी स्टूडियोको ब्यानरमा तयार भएको चलचित्रमा प्रियंका कार्की, ऋचा शर्मा, बेनिशा हमाल, आयुष्मान देशराज जोशी, राजन खतिवडा, रविन्द्र झा, गौरब बिष्ट लगायतका कलाकारको मुख्य भूमिका छ ।
यो चलचित्रले छोराका लागि एक नाबालिकालाई बली चढाएको कथा भन्छ । नेपालमा अहिलेसम्म यो तहको हरर चलचित्र नबनेको दाबी निर्माताको छ । \
यो चलचित्रलाई मल्टिप्लेक्सहरुले उच्च शोज दिएका छन् । यसले, पनि चलचित्रले राम्रो व्यापार गर्ने र दर्शक तान्ने अपेक्षा प्रदर्शकमा छ ।
चलचित्रमा सुशन प्रजापतिको छायांकन, यश सैनीको सम्पादन, रोहित शाक्यको साउन्ड डिजाइन छ । लगातार नेपाली चलचित्रको व्यापार कमजोर बनिरहेको समयमा ‘चि मुसी चि’ले दर्शक तान्ने अपेक्षा गरिएको छ ।
