चलचित्र ‘अवतार ‘द वे अफ वाटर’ले विश्वभर १।५ बिलियन डलर कमाएको छ ।
यो कमाइसँगै चलचित्रले टम क्रुज स्टारर ‘टपगन ः माभेरिक’लाई उछिनेको छ भने विश्व फिल्म इतिहासमा दशौं सर्वाधिक कमाउने चलचित्रको कीर्तिमान समेत रचेको छ । नेपालमा भने बिहीबारसम्म साढे ८ करोड रुपैयाँ कमाइ रहेको एप्पल इन्टरटेनमेन्टले जनाएको छ ।
सन् २०१९ मा ट्वेन्टिथ सेन्चुरी फक्सबाट अधिकार खरिद गरेको डिज्नीले अवतार २ निर्माण गर्न ३५० मिलियन डलर खर्च गरेको छ । निर्देशक क्यामरुनका अनुसार चलचित्रले लगानी उठाउन पनि चलचित्रले दुई बिलियन डलर कमाउनैपर्छ । साथै, क्यामरुनले चलचित्रका थप तीन सिक्वेल निर्माणको घोषणा गरिसकेका छन् ।
यो चलचित्रको पहिलो श्रृंखला ले पनि सन् २००९ मा उत्तर अमेरिकामा ७७ मिलियन डलरको ओपनिङ गरेको थियो भने विश्वव्यापी रूपमा २।९ बिलियन डलरको साथ इतिहासमा सबैभन्दा धेरै कमाउने फिल्म बन्यो ।
