फिल्म ‘द्रौपदी’को छायांकन सुरु भएको छ । बिहिबार डोल्पाको दुनैस्थित कालिका मन्दिरमा शुभ–मुर्हूत गर्दै यो फिल्मको छायाङ्कन सुरु भएको हो । निर्देशक ऋषिराज आचार्यको निर्देशन रहने यो फिल्मको सम्पूर्ण छायांकन डोल्पा जिल्लामै गरिनेछ ।
फिल्म अन्तर्राष्ट्रिय बजारलाई मध्यनजर गरेर निर्माण हुन लागेको निर्देशक आचार्यले बताए । ‘फिल्मको स्कृप्ट ४ वर्ष लगाएर लेखिएको हो’ आचार्यले भने ।
ऋषिराज आचार्य, बिष्णु ठडराई (सुवास), प्रकाश ज्ञवाली निर्माता तथा खेमराज भण्डारी र ऋतु आचार्य सह–निर्माता रहेको यो फिल्मको लेखक पनि निर्देशक आचार्य नै हुन् । चलचित्रमा रबि ओडको संगीत रहने छ भने छायांकार मोहनकुमार झिल्लु हुन् ।
यो फिल्ममा आश्विनी शाही, रबि ओड, कबिराज भाम, जेल्सन अधिकारी, सुजाता तिमल्सिना, बिष्णु ठडराई (सुबास), प्रकाश ज्ञवाली, सीता बौडेल, सुरज अधिकारी लगायतका कलाकारको अभिनय रहने छ ।
