नायक पल शाहको गृह जिल्ला दाङका आयोजना गरिएको कार्यक्रममा चर्चित गायिका समीक्षा अधिकारीलाई दर्शकले उपेक्षा गरेका छन्। शनिबार होलीको पूर्वसन्ध्यामा आयोजना गरिएको सांगितिक कार्यक्रममा दाङका दर्शकले समीक्षाको प्रस्तुती अघोषित रुपमा बहिस्कार गरेका हुन्।
चैत १० गते शनिबार तुलसीपुरले अरनिको मैदानमा प्राकृतिक कलाकेन्द्रले आयोजना गरेको कन्सर्टमा दर्शक नै नआएपछि कार्यक्रम नै रद्द गर्नुपरेको छ। तुलसीपुरस्थित मेट्रो होटेलमा बसेकी समीक्षा स्टेजमै नचढी फर्किएकी छन्। उनले कार्यक्रममा गीत समेत गाउन पाइनन्।
साँझसम्म दर्शक कुरेको आयोजकले अन्तत कार्यक्रम नै रद्द गर्न बाध्य भयो। देश तथा विदेशका स्टेज शोमा उच्च डिमान्ड रहेकी समीक्षालाई २३ जना दर्शकसामू उपस्थित गराउँदा नराम्रो सन्देश जाने भन्दै कार्यक्रम नै रद्द गरेको आयोजकले बताएको छ। आयोजकले भने राम्रो प्रचारप्रसार गर्न नसक्दा दर्शक नआएको हुनसक्ने बताएको छ।
समीक्षाले करिब दुई वर्षअघि पल शाहलाई बलात्कार मुद्धामा जेल पुर्याएपछि पललाई फसाइएको भन्दै पलका समर्थकले समीक्षाको विरोध गर्दै आएका छन्। त्यसैको साइड इफेक्टको रुपमा समीक्षालाई पल शाहको गृक जिल्लाका दर्शकले अघोषित बहिष्कार गरेको हुनसक्ने कतिपयको विश्लेषण छ।
