लेखक तथा निर्देशक सुलक्षण भारतीले जल्ल्दोबल्दो सामाजिक विषयवस्तुमा निर्माण गरेको फिल्म ‘बोक्सीको घर’को ‘बोक्सी लुक्स’ सार्वजनिक गरिएको छ । आईतवार काठमाडौंमा आयोजित एक कार्यक्रममा फिल्मकी निर्मात्री तथा नायिका केकी अधिकारी र पूर्व मिस नेपाल माल्भिका सुब्बाले लुक्स सार्वजनिक गरिएको हो।
यो लुक्समा केकी अधिकारी फरक गेटअपमा प्रस्तुत गरिएको छ । टिजर र गीतमा नदेखाइएको ‘बोक्सी लुक्स’लाई पोस्टर मार्फत सार्वजनिक गरिएको हो । यो फिल्मले समाजमा प्रचलित कुप्रथालाई चित्रण गर्ने निर्देशक भारतीको भनाई छ । यो फिल्मलाई बद्री अधिकारीले निर्माण गरेका हुन् ।
फिल्ममा सुपला सापकोटा, स्वेच्छा राउत, सुलक्षण भारती, रमा थपलिया, सुष्मा निरौला, सबिन बास्तोला लगायतका कलाकारको अभिनय छ । फिल्मका कार्यकारी निर्माता राज घिमिरे हुन् ।
शिवराम श्रेष्ठको छायांकन र लोकेश बज्राचार्यको सम्पादन रहेको फिल्मलाई टिफल्क फिल्मस्ले वितरण गर्दैछ । वैशाखको १४ गतेबाट यो फिल्म रिलिजमा आउँदैछ।
