फिल्म ‘दान्भी’ र ‘आचार्य’ आजबाट फ्राइडे रिलिजमा प्रदर्शनमा आएका छन् । रुपेश तामाङको निर्देशन रहेको ‘दान्भी’ र प्रशान्त रासाइलीको निर्देशनमा रहेको ‘आचार्य’ प्रदर्शनमा आएका हुन् ।
पूजा शर्मा मुख्य भूमिकामा रहेको ‘दान्भी’मा एक्सन फिल्म हो । सत्यराज आचार्य मुख्य भूमिकामा रहेको ‘आचार्य बायोपिक फिल्म हो ।
‘दान्भी’मा पूजासँगै कुन्साङ बम्जन, किरण श्रेष्ठ, मोनालिसा खतिवडा, राजाराम पौडेल, कालु राणा, सीता तामाङलगायत कलाकारको अभिनय छ ।
‘आचार्य’मा सत्यराजसँगै सौगात मल्ल, दयाहाङ राई, सुनील पोखरेल, विपीन कार्की, अरुणा कार्कीलगायतको अभिनय छ ।
‘दान्भी’लाई देशकै ठूलो मल्टिप्लेक्स चेन क्यूएफएक्सले काठमाडौंमा १६ र काठमाडौं उपत्यका बाहिर ३१ शो प्रदान गरेको छ ।
आईएनआईले १२, वान सिनेमाजले सात शो दिएको छ । एफक्युब, बीएसआर, बिग मुभिज रन्जनालगायत मल्टिप्लेक्समा पनि ‘दान्भी’ले उच्च शो पाएको छ ।
‘आचार्य’ले क्यूएफएक्समा काठमाडौंमा जम्मा तीन शो पाएको छ । काठमाडौं उपत्यका बाहिर क्यूएफएक्सले तीन शो दिएको छ ।
वान सिनेमाजले तीन शो दिएको छ । आईएनआईले पनि तीन/तीन शो दिएको छ ।
सत्यराज आचार्य मुख्य भूमिकामा रहेको फिल्म यसअघि १३ वर्ष अगाडि रिलिज भएको थियो ।
‘आचार्य’ गायक तथा संगीतकार भक्तराज आचार्यको बायोपिक मुभी हो । १३ वर्ष अगाडि राम्रो समीक्षा पाएको फिल्म हो ।
