नायिका नीति शाहको आगामी फिल्म ‘ज्वाइँ साब’ यही असोज २४ गते फूलपातीको दिन प्रदर्शनमा आउँदैछ। यस फिल्ममा उनी ‘लक्ष्मी’ नामक पात्रको भूमिकामा देखिन लागेकी छिन् भने उनको जोडीका हास्य कलाकार जितु नेपाल रहेका छन्। फिल्मको पोस्टर, टिजर, गीत र ट्रेलरले यी दुईको जोडीलाई दर्शकमाझ राम्रोसँग प्रस्तुत गरिसकेको छ।
नीति शाहले फिल्मको स्क्रिप्ट सुनेको २० मिनेटभित्रै फिल्ममा काम गर्न सहमत भएको बताइन्। उनले भनिन्, “मलाई निर्देशक वसन्त निरौला र अनिश अधिकारीले सम्पर्क गर्नुभएपछि स्क्रिप्ट सुनें। स्क्रिप्ट सुनेको २० मिनेटमै म फिल्ममा काम गर्छु भनेर सहमति जनाएँ। स्क्रिनप्ले र मेरो क्यारेक्टर दुवै मन परेकोले फिल्ममा काम गर्न म तयार भएँ।”
फिल्मको कथा उनकै पात्र वरिपरि घुमेको नितीले उल्लेख गरिन्। “फिल्मको स्टोरीलाइन नै मलाई मन पर्यो। कथा मेरै वरपर घुमेकाले यो फिल्म गर्नु उचित ठानेँ,” उनले भनिन्। केही समयअघि त्रिभुवन अन्तर्राष्ट्रिय विमानस्थलमा छायांकन गरिएको दृश्य टिकटकमा सार्वजनिक भएको थियो, जसले मिडियामा राम्रै चर्चा पाएको थियो। नितीले फुटेजमा राम्रो प्रतिक्रिया प्राप्त भएको बताइन्।
फिल्म ‘ज्वाइँ साब’मा ‘प्रष्ट’ नेपाली बोल्न नीतिले निकै मेहनत गरेको उल्लेख गरिन्। “मेरो संवाद बोल्ने क्रममा केही टोनमा समस्या थियो, तर मैले ठेट नेपाली बोल्ने प्रयास गरेँ,” उनले भनिन्। नीति जितु नेपालको कामबाट प्रभावित भएको पनि खुलाइन्। “जितु दाई धेरै सिनियर भए पनि सेटमा कहिल्यै सिनियरपना देखाउनुभएन, जसले गर्दा काम गर्न सहज भयो। उहाँको संघर्षले मलाई प्रेरित गर्यो,” उनले भनिन्।
केही समयअघि त्रिभूवन अन्तर्राष्ट्रिय विमानस्थलमा छायांकन गरिएको दृश्यको फुटेज टिकटकमा सार्वजनिक भएको थियो । त्यो फुटेजका विषयमा सञ्चारमाध्यममा समाचार नै बने । नीति टिकटकमा फुटेज सार्वजनिक भएपछि राम्रो रेसपोन्स भएको बताउँछिन् । ‘हाँसीखुशी रातो पहिरनमा रमाएकी केटी एक्कासी त्यो अवस्थामा कसरी पुगिन् । यो कसरी सम्भव छ ? भन्ने चासो आम मानिसमा रहेछ । तर मेरो बुझाईमा जे हुन्छ राम्रैका लागि हुन्छ’, नीति भन्छिन् ।
वसन्त निरौलाको निर्देशनमा बनेको यो फिल्ममा जितु नेपाल, नीति शाह, बुद्धि तामाङ, हिमेश पन्त, रमेश बुढाथोकी, प्रकाश घिमिरे, शिशिर वाङ्देल, र दीपक आचार्यलगायतका कलाकारको अभिनय रहेको छ।
