आगामी वैशाख २६ गते रिलिज हुने चलचित्र ‘ऊनको स्वीटर’को नयाँ गीत ‘मखमली’ सार्वजनिक गरिएको छ। बिहीबार सार्वजनिक गरिएको यो गीत लोक भाका ‘कौडा र चुट्का’मा आधारित छ, जसले नेपाली समाजका विभिन्न भावनाहरूलाई सरल र मन छुने तरिकाले प्रस्तुत गरेको छ।
यस गीतमा अभिनेता विपिन कार्की र अभिनेत्री मिरुना मगरबीचको अव्यक्त प्रेमलाई चित्रण गरिएको छ। गण्डक क्षेत्रमा चर्चित मानिने यो भाका चलचित्रमा पूर्वी नेपालको पाँचथरको संस्कृतिसँग जोडिएको छ। चलचित्रको छायाङ्कन पाँचथर र नेपाल-भारत सिमाना फालेलुङमा गरिएको छ।
गीतमा सुजन चापागाईँ र सुनिता थेगिमको स्वर रहेको छ। गीतका शब्द लेखक हर्क साउद हुन् भने संगीत पनि गायक चापागाईँले नै गरेका हुन्। संगीत उत्पादनमा कोविद बज्रले योगदान दिएका छन्। दीप गुरुङले कोरियोग्राफी गरेको यस गीतको भिडियोमा अभिनेता विल्सन बिक्रम राईको रोचक भूमिका देख्न सकिन्छ।
कलाकारहरूको सहभागिता र निर्माण पक्ष चलचित्रमा विपिन कार्की, मिरुना मगर, सुनिल पोखरेल, माओत्से गुरुङ, विल्सन बिक्रम राई, प्रेम सुब्बा, परीक्षा लिम्बु, सुरज तमूलगायत कलाकारहरूको अभिनय रहेको छ। नवीन चौहानले निर्देशन गरेको यो चलचित्र ‘आर्टमाण्डू प्रा.लि’ले निर्माण गरेको पहिलो फिचर चलचित्र हो।
सङ्गीत र प्राविधिक पक्ष चलचित्रमा समावेश अन्य गीतहरूमा सुजन चापागाईँ, झुमा लिम्बु, सुनिता थेगिम, र सलिना बि.कले स्वर दिएका छन्। कोरियोग्राफीमा रोशन बि.क. र दीप गुरुङले काम गरेका छन्। सिनेमाटोग्राफी चिन्तन राजभण्डारी र सम्पादन कृष्ण भण्डारीले गरेका छन्।
निर्माण टिम र सहकार्य चलचित्रका सह-निर्माताहरूमा साहाङ्ग चेम्जोङ, आशिष रिजाल, राजकुमार राई, प्रकाश बस्नेत, र सन्तोष न्यौपाने छन्। कार्यकारी निर्माता सागर बुढाथोकी र मिलन खत्री हुन्।
