काठमाडौं । मलयालम चलचित्र उद्योगमा एउटा ऐतिहासिक उपलब्धि थपिएको छ ।
मलयालम सुपरस्टार मोहनलाल र पृथ्वीराज सुकुमारनको फिल्म ‘एल २ एम्पुरन’ ले बक्स अफिसमा लगातार नयाँ रेकर्ड कायम गरिरहेको छ। अब, फिल्मले नयाँ कोसेढुङ्गा हासिल गरेको छ ।
हालै रिलिज भएको पृथ्वीराज सुकुमारन निर्देशित फिल्म ‘एल २ एम्पुरन’ ले बक्स अफिसमा लगातार राम्रो प्रदर्शन गरिरहेको छ। अब यो फिल्म सबैभन्दा धेरै कमाउने मलयालम फिल्म बनेको छ। यसले केवल नौ दिनमा अहिलेसम्मकै सबैभन्दा धेरै कमाउने मलयालम फिल्म ‘मञ्जुम्मेल ब्वाइज’ लाई उछिनेको छ।
बक्स अफिस रिपोर्टका अनुसार मोहनलालको ‘एल २ एम्पुरान’ ले अहिलेसम्म विश्वभर २५० करोड रुपैयाँभन्दा बढी कमाइ गरिसकेको छ। यससँगै, यो सबैभन्दा धेरै कमाउने मलयालम फिल्म बनेको छ र अझै पनि थिएटरहरूमा राम्रोसँग चलिरहेको छ। यसअघि चिदम्बरम निर्देशित फिल्म ‘मञ्जुम्मेल ब्वाइज’ ले विश्वभर २४१ करोड रुपैयाँ कमाएको थियो। जसलाई ‘एल २ एम्पुरन’ ले रिलिज भएको नौ दिनमै उछिनेको छ।
यति मात्र होइन, मोहनलाल र पृथ्वीराज सुकुमारनको फिल्म ‘एल २ एम्पुरन’ भारतमा तेस्रो सर्वाधिक कमाई गर्ने फिल्म बनेको छ। रिपोर्टका अनुसार ‘एल २ एम्पुरन’ ले हालसम्म भारतमा १०६ करोड रुपैयाँ कमाएको छ। अब, ‘अदुजिविथम’ (१६७.५० करोड रुपैयाँ) र ‘२०१८’ (११०.५० करोड रुपैयाँ) मात्र यसभन्दा अगाडि छन्।
‘एल २ एम्पुरन’ जुन गतिमा हलहरूमा चलिरहेको छ, त्यसले चाँडै नै ‘२०१८’ लाई पनि उछिनेको अपेक्षा गरिएको छ। साथै, ‘एल २ एम्पुरन’ यस वर्षको सबैभन्दा धेरै कमाउने फिल्महरूको हिसाबले तेस्रो नम्बरमा छ। त्यसभन्दा अगाडि विक्की कौशलको ‘छवा’ र अभिनेता वेंकटेशको ‘संक्रान्तिकी वास्तुनम’ मात्र छन्।
