राजकुमार राव र श्रद्धा कपूर अभिनित फिल्म ‘स्त्री २’ ले राम्रो कमाई गर्यो । फिल्म ब्लकबस्टर भएको छ । फ्यानहरूले राजकुमार रावको पछिल्ला फिल्महरु ‘श्रीकान्त’, ‘मिस्टर एन्ड मिसेस माही’ र ‘विक्की र विद्याको वो वाला भिडियो’लाई पनि मन पराए ।
इन्डियन एक्सप्रेसका अनुसार स्त्री २ को कीर्तिमानी सफलतापछि राजकुमार रावले आफ्नो शुल्क बढाएको खबर आएको छ । उनले आफ्नो पारिश्रमिक बढाएर ५ करोड पुर्याएको खबर आएको थियो ।
यसबारे राजकुमार रावले भने, ‘म हरेक दिन विभिन्न फिगरको अध्ययन गर्छु । म मेरो निर्माताहरूलाई बोझ लगाउन मूर्ख छैन । सबैभन्दा ठूलो ब्लकबस्टरको हिस्सा बनेपछि अभिनेताका रूपमा ममा खासै परिवर्तन आएको छैन । पैसा मेरो जोशको उत्पादन हो । म जीवनभर काम गर्न चाहन्छु । त्यसैले पनि म अचम्मित र उत्साहित हुने खालका भूमिका खोज्छु । मलाई चुनौती दिनुहोस् र मलाई बढ्न मद्दत गर्नुहोस् ।’
‘स्त्री २’ को बारेमा कुरा गर्दा यो ‘स्त्री’को सिक्वेल थियो । यो फिल्ममा श्रद्धा कपुर, पंकज त्रिपाठी, सुनील कुमार, अभिषेक बनर्जी, अपारशक्ति खुराना जस्ता कलाकार छन् । फिल्मलाई अमर कौशिकले निर्देशन गरेका हुन् । फिल्मले ६ सय करोडभन्दा बढी कमाएको थियो ।
