साउथ अभिनेत्री कीर्ति सुरेश विवाह बन्धनमा बाँधिएकी छन् ।
अभिनेत्रीले आफ्ना लामो समयदेखिका प्रेमी एन्टोनी थाटिलसँग विवाह गरेकी हुन् । उनीहरु दुवैले बिहीबार गोवामा तमिल रितीरिवाज अनुसार विवाह गरेका थिए, जसका तस्विरहरु सामाजिक सञ्जालमा भाइरल भइरहेका छन् ।
मिडिया रिपोर्टका अनुसार यो जोडी विगत १५ वर्षदेखि एकअर्कालाई डेट गर्दै थिए ।
एन्टोनी थाटिल एक व्यापारी हुन् जो दुबई र कोची, केरला मा काम गर्दछन् । उनको गृहनगरमा धेरै रिसोर्टहरू पनि छन् । यति मात्र होइन कीर्तिको गृहनगरमा पनि उनका धेरै व्यवसाय छन् ।
कीर्तिले सन् २००० मा बाल कलाकारको रूपमा आफ्नो अभिनय करियर सुरु गरेकी थिइन् । त्यसपछि २०१३ मा, उनले मलयालम फिल्म ‘गीताञ्जली’ बाट मुख्य अभिनेत्रीको रूपमा डेब्यू गरिन् । यस फिल्मका लागि उनले सिमा अवार्डमा बेस्ट डेब्यु अवार्ड पनि प्राप्त गरिन् ।



