‘भन्छन् स्वामीले’ बोलको तीज बिशेष गीत सार्वजनिक गरिएको छ । हिन्दु नारीहरुको महान चाड तीज नजिकदै गर्दा तीज गीतको भिडियो सार्वजनिक हुने क्रम पनि बढी रहेसँगै ‘भन्छन् स्वामीले’ सार्वजनिक गरिएको हो ।
नयाँ नेपाली तीज गीतमा गायिका समीक्षा अधिकारीको स्वर रहेको छ भने तारबिर पाण्डेको संगीत, गणेश सुवेदीको शब्द, राजीव शाहको एरेन्ज तथा मिक्सिङ र मास्टरिङ छ ।
सुरेश पाण्डेको कोरियोग्रफी तथा निर्देशन रहेको यस गीतको भिडियोमा मोनिका बुढाथोकी र सविन घिमिरे फिचर्ड छन् । तीजमा हर्षोल्लासका साथ मनाउनुपर्छ भन्ने भाव व्यक्त गरिएको डान्सिङ बिटको गीतमा कलाकारहरु निकै झुमेका छन् ।
भिडियोमा रामेश्वर हुमागाईंको छायांकन, बन्दे प्रसादको सम्पादन, राजेन्द्र मोक्तानको कलर छ ।
