गायक तथा संगीकार अर्जुनकुमारले नयाँ गीत सार्वजनिक गरेका छन् ।
‘घर देश’ बोलको गीतमा गायक कुमारकै शब्द, संगीतसँगै स्वर रहेको सार्वजनिक भिडियोमा अभिनेता गौरव पहारी र गीता ढुंगानाको अभिनय छ ।
गीतमा घर छोडेर परदेशिने आम नेपालीको कथा छ । दिनेश पराजुलीले खिचेको भिडियो निकेश खड्काले निर्देशन गरेका छन् ।
वैदेशिक रोजगारीका लागि विदेशिनुपर्ने बाध्यतालाई गीतले समेटेको छ । आफ्नो बाटो हेरिरहनु भन्दै श्रीमती र प्रेमिकालाई फर्किएर आउँछु भनेर गरिने प्रतिबद्धताको सेरोफेरोमा गीत केन्द्रित छ ।
वैदेशिक रोजगारीमा गएका व्यक्तिको मृत्युको खबर आउँदा समेत आफन्त झस्किनुपर्ने बाध्यतालाई भिडियोमा कैद गरिएको छ ।
