नयाँ तीज गीत ‘बालेनको शहर’ सार्वजनिक गरिएको छ । गीतमा गायक पशुपति शर्मा र गायिका सुमित्रा कोइरालाको स्वर छ । गीतमा आर.के कुमार शाहीको शब्द छ भने सुर्य बिनायकले संगीत दिएका छन् । एरेन्ज मास्टरिंगको काम बिमल छिनालले गरेका छन् ।
मौलिक तीज गीतमा श्रीमान र श्रीमती बिचको सम्वादलाई गीतमा उतारिएको छ । श्रीमानले श्रीमतीलाई काठमाडौंसँगै बिभिन्न ठाउँमा घुमाउने कुरा गर्दैछन्, यस्तै श्रीमतीले पनि श्रीमातको हात समाई घुम्ने कुरा गर्दैछिन् । गीतमा मिठास छ । गीतको भिडिओमा श्रीमानको रुपमा आर.के कुमार शाही छन् भने श्रीमतीको रुपमा निहारिका थापा छिन् । उनीहरु सहित टिमले भिडिओमा नृत्य गरेको छ ।
१० मिनेट लामो भिडिओलाई रमाइलो बनाउने कोसिस गरिएको छ । नरेश अएरले खिचेको भिडिओ कल्पेश विश्वकर्माले सम्पादन गरेका हुन् भने भिडिओमा कोरियोग्राफी र निर्देशक शिशिर बुढाथोकीले गरेका छन् ।
निर्देशक शिशिरले यसअघि पनि आर.के कुमार शाहीसँग मिलेर थुप्रै भिडिओमा कोरियोग्राफी र निर्देशन गरिसकेका छन् । शिशिर पछिल्लो समय भिडिओ निर्देशनमा ब्यस्त हुने निर्देशकमा पनि पर्न थालेका छन् । यस गीतको भिडिओमा आर।के। कुमार शाहीसँगै सन्जिता गौतम र गंगा श्रेष्ठले लगानी गरेका छन् । गीतको भिडिओ आर.के. कुमार शाही अफिसियल युट्युव मार्फत सार्वजनिक गरिएको छ ।
