नायक प्रदीप खड्काले नयाँ नेपाली फिल्ममा काम गर्ने पक्का भएका छन् ।
प्रदीपले, काम गर्न लागेको नयाँ फिल्मको नाम ‘एक्टर’ राखिएको छ । अदृत फिल्मसको प्रस्तुतिमा निर्माण हुन लागेको यो फिल्मलाई थमन कुमार भण्डारीले निर्माण गर्ने भएका छन् । भण्डारीले यस अघि ‘पण्डित बाजेको लौरी’ निर्माण गरेका थिए । उनले पाँच वर्ष पछि प्रदीपलाई लिएर ‘एक्टर’ घोषणा गरेका हुन् ।
यस फिल्मलाई राजन भुसालले निर्देशन गर्न लागेका छन् ।
यो फिल्मको विषयमा अरू केही पनि बताइएको छैन । फिल्ममा नायिका को हुने र अन्य पात्रका बारेमा विस्तृत जानकारी दिँदै जाने बताइएको छ ।
हाललाई फिल्मको फस्टलुक हेर्दा यसले केही न केही नयाँ कथा भन्ने विश्वास गर्न सकिन्छ ।
फिल्मको छायाकंन आगामी नयाँ वर्षबाट सुरु गर्ने निर्माण पक्षले जानकारी गराएको छ । यो फिल्मलाई सन् २०२५ मा रिलिज गर्ने समेत तयारी छ ।
