फिल्म ‘रुमानी रङ्ग’ बन्ने भएको छ । ग्लोबल मिडिया रिसर्च सेन्टर प्रालिको ब्यानरमा तयार हुन लागेको यो फिल्मको निर्माणमा आविष्कार बहुसन्चार प्रा.लिले सहकार्य गरेको छ ।
जीएम ठकुरीको प्रस्तुतिमा तयार हुने यो फिल्ममा नायिका साम्राज्ञी राज्यलक्ष्मी शाह र नायक आर्यन अधिकारीको जोडी फाइनल भएको छ ।
साम्राज्ञी र आर्यनको यो पहिलो सहकार्य हो । फिल्मलाई अनिल योञ्जनले निर्देशन गर्दैछन् । अनिलले ‘डायरी’को निर्देशन गरेपछि नयाँ फिल्म बनाएका छैनन् ।
फिल्ममा हरि मल्ल ठकुरी कार्यकारी निर्माता, सुशिल थापा, श्रृजना बस्नेत, सन्तोष सरु र विजय अधिकारी सह–निर्माताको रुपमा छन् । फिल्ममा महेश पौडेलको छायांकन रहने पक्का भएको छ । लभ स्टोरी कथामा निर्माण हुन लागेको फिल्मको सम्पूर्ण छायांकन अष्ट्रेलीयामा हुनेछ ।
साम्राज्ञीको पछिल्लो पटक ‘ह्यारीकी प्यारी‘ र ‘नांङ्गो गाउँ’ रिलिज भएको थियो भने ‘लन्डन टु पेरिस‘ छिट्टै रिलिज हुने तयारीमा रहेको छ । आर्यनको पछिल्लो पटक फिल्म ‘लाखे’ रिलिज भएको थियो ।
