नायिका बेनिशा हमालले नयाँ फिल्म साइन गरेकी छिन् । केही दिन अगाडी नायक प्रदीप खड्का फाइनल भएको यो चलचित्रमा अब बेनिशा हमाल पनि जोडीएकी छिन्।
प्रदीप शाहीको निर्देशनमा बन्न लागेको एक अनटाइटल प्रोजेक्टमा बेनिशा फाइनल भएकी हुन् । यो फिल्ममा नायक प्रदीप खड्का र बेनिशा हमालको मुख्य भूमिका हुनेछ ।
साइ–फाई जोम्बी थ्रिलर जनरामा निर्माण हुन लागेको नयाँ फिल्मको कथा पनि निर्देशक शाहीले नै लेखेका हुन् । साई प्रोडक्शन नेपालको ब्यानरमा निर्माण हुन लागेको फिल्ममा ह्रयाम्साएर एकाउन्टेनको सहकार्य रहनेछ । फिल्मका लागि अन्य कलाकार तथा प्राविधिक पनि फाइनल हुन बाँकी छ । यो फिल्मका कार्यकारी निर्माता विनोद सुवेदी हुन् ।
