चलचित्र ‘मनसँग मन’को टिजर सार्वजनिक भएको छ ।
माघको २७ गतेबाट रिलिज हुन लागेको यो चलचित्रको टिजरमा मुख्य कलाकारहरु नायक पुष्प खड्का र नायिका वर्षा सिवाकोटीलाई देखाइएको छ । टिजरमा वर्षा र पुष्पको प्रेमलाई झल्काउने कोशिश मेकरले गरेका छन् ।
यो चलचित्रमा नायक पल शाह र नायिका पूजा शर्माले एउटा गीतमा नृत्य गरेका छन् । चलचित्रमा वर्षा र पुष्पको अलवा वुद्दि तामाङ, रविन्द्र झाको मुख्य भूमिका छ । सौरभ इन्टरटेन्मेन्ट र बालाली इन्टरटेन्मेन्टको प्रस्तुतिमा तयार भएको यो चलचित्रलाई कैलाश राईले निर्देशन गरेका हुन् ।
फिल्ममा अरुण तामाङको लगानी छ । अर्जुन जीसीको सम्पादन रहेको चलचित्रमा सौरभ लामाको छायांकन, रामजी लामिछाने र कमल राइको कोरियोग्राफी, कैलाश राइको कथा तथा पटकथा छ ।
चलचित्रमा अर्जुन पोखरेल, अगोमा गुरुङ र दीपक शर्माको संगीत छ ।
