नायिका केकी अधिकारीको निर्माण तथा मुख्य भूमिका रहेको फिल्म ‘बोक्सीको घर’को प्रिमियर सम्पन्न गरिएको छ। बिहिबार बेलुकी सम्पन्न प्रिमियरमा कलाकार, प्राविधिक, निर्देशक, निर्माता, पत्रकारहरूको बाक्लो उपस्थिति थियो ।
सुलक्षण भारतीको निर्देशनमा तयार भएको यो फिल्मले एक महिलालाई कसरी बोक्सीको आरोप लगाइन्छ र यातना दिइन्छ भन्ने कथालाई प्रस्तुत गरेको छ।
१ घन्टा ५० मिनेट लामो प्रिमियर हेरेपछि निर्देशक तथा निर्माता अशोक शर्मादेखी नायिका स्वस्तिमा खड्का, बेनिशा हमाल, रिमा विश्वकर्मा र निर्देशक ज्ञानेन्द्र देउजा सम्मले यो फिल्मको र नायिका केकी अधिकारीको अभिनयको निकै तारिफ गरेका थिए।
फिल्ममा केकी अधिकारी, सुपला सापकोटा, स्वेच्छा राउत, रमा थपलिया, सविन बास्तोला, सुलक्षण भारती लगायतका कलाकारको अभिनय छ । यो फिल्मको ‘वुझिनँ मैले वुझाइदेउ कसैले’ गीत चर्चामा छ ।
