वैशाखको २८ गतेबाट रिलिजमा आउन लागेको फिल्म ‘खजुरे ब्रो’को ट्रेलर रिलिज गरिएको छ । कमेडीसँगै सामाजिक कथा पनि उठान गरेको यो फिल्मको कथामा सहकारीको घोटालालाई समेत मुख्य बिषय बनाइएको छ ।
अनमोल गुरुङको संगीत, मित्र डी गुरुङको सम्पादन, शिशिर विसङ्केको छायांकन रहेको यो फिल्मलाई सुरज सुनुवारले लेखन तथा निर्देशन गरेका हुन् । फिल्ममा नविन मानन्धर सुरज सुनुवारको लगानी छ । डाइमण्ड उप्रेति कार्यकारी निर्माता रहेको यो फिल्मको ट्रेलरमा खजुरे ब्रो नामक पात्रको जीवन कथा देखाइएको छ ।
यो फिल्ममा रेअर राई, महेश त्रिपाठी, नविन मानन्धर, नीति शाह, विनिता थापा मगर, शान्तिला तामाङ, सुष्मा निरौला, पुस्कर कार्की, मनिष राउत, पवन लिम्बु लगायतका कलाकारले अभिनय गरेका छन्।
