सुरज सुनुवारको निर्देशनमा तयार भएको फिल्म ‘खजुरे ब्रो’लाई नेपालका हलहरुले न्यून शो दिएका छन् । फिल्मले अधिकांश हलमा एक शो मात्र पाएको छ । नेपालगञ्जको क्यूएफएक्स हलले २ शो दिनु बाहेक अधिकांश हलले एक शोमा सीमित राखेका छन् ।
काठमाडौं र धरानमा प्रिमियर समेत आयोजना भइसकेको यो फिल्मको प्रिमियरमा फिल्मको कथावस्तु र कमेडी कथालाई सकारात्मक प्रतिक्रिया मिलेको थियो । तर, प्रदर्शकहरुले भने फिल्ममाथि विश्वास नगरेको देखिन्छ ।
यो फिल्मबाट नायिका नीति शाहले डेब्यू गर्दैछिन् । फिल्ममा उनको साथमा रेअर राई, महेश त्रिपाठी, नबिन मानन्धर लगायतका कलाकारको अभिनय छ ।
