फिल्म ‘दान्भी’को पहिलो गीत सार्वजनिक गरिएको छ । असारको ७ गतेबाट सार्वजनिक प्रदर्शनमा आउने फिल्मको ‘मायाको खानी’ बोलको रोमान्टिक गीत सार्वजनिक गरिएको हो।
रुपेश तामाङको निर्देशनमा तयार भएको यो फिल्मको सार्वजनिक गीतमा पूजा शर्मा र नव–नायक कुन्साङ बोमजनलाई रोमान्टिक देखिएको छ । नेपाल र भारतका विभिन्न लोकेशनमा खिचिएको गीतको भिडियोमा यी दुइको प्रेम छताछुल्ल पोखिएको देख्न सकिन्छ ।
गीतमा सुरेश लामा र ममता गुरुङको स्वर, अर्जुन पोखरेलको संगीत, प्रदीप प्रखर पोखरेलको शब्द छ ।
सन्जोग कुँवर रानाको पटकथा तथा संवाद, रविना थापा मगरको कथा, हरि प्रसाद घलेको डीओपी, बन्दे प्रसादको सम्पादन, श्री श्रेष्ठको एक्सन रहेको यो फिल्ममा कविराज गहतराज र रामजी लामिछानेको कोरियोग्राफी छ ।
पवन राना मगर कार्यकारी निर्माताको रुपमा रहेको यो फिल्ममा देव मगर र अनुप गडाल निर्माता, कमला लिम्बु, पन्च बहादुर तामाङ र आदर्श पौडेल सह–निर्माताको रुपमा छन् ।
