हिजो १० गतेबाट प्रदर्शनमा आएको फिल्म ‘फर्की फर्की’ले बक्स अफिसमा बम्पर ओपनिङ गरेको छ । बलियो वर्ड अफ माउथसहित आज दोश्रो दिनपनी हलमा दर्शकको चाप उच्च देखिएको हो।
नायक अनमोल केसीको मुख्य भूमिका रहेको यो फिल्मको हिजो रातीसम्मका शोजहरुमा समेत बूकिङ बलियो थियो। जसका, कारण आज पनि बिहानै देखी दर्शकको चाप बढेको हो। जसले गर्दा यो फिल्मले बम्पर ओपनिङ गरिरहेको छ।
वितरक गोविन्द शाहीले देशैभर फिल्मको व्यापार आक्रामक रहेको सुनाए । उनले भने–‘बिहानैदेखि देशभर दर्शकको चाप उच्च छ । हिजो बिहिबार भएपनि हलमा दर्शकको चापले सुखद सन्देश दिएको छ । र आज शुक्रबार पनि बिहानइदेखी दर्शको चाप बढ्दो छ ।’
निर्माता रोहित अधिकारीको निर्माण र सुयोग गुरुङको लेखन तथा निर्देशनमा तयार भएको फिल्मलेको कथावस्तु, मेकिङ, संवाद र कलाकारको अभिनयलाई दर्शकले निकै रुचाएका छन् ।
