ट्राभल लभ स्टोरीको जनरामा निर्माण गरिएको फिल्म ‘लण्डन टु पेरिस’को ट्रेलर सार्वजनिक गरिएको छ । सार्वजनिक यो फिल्मको ट्रेलरमा साम्राज्ञी राज्य लक्ष्मी शाह, निश्चल खड्का र गरिमा शर्मा बिचको त्रिकोणात्मक प्रेम सम्बन्धलाई देखाइेको छ। यो फिल्मको ट्रेलर यही तीन जनाको ओरिपरी घुमेको छ।
जेठ २५ गतेदेखि रिलिज हुने यो फिल्मको कथा, पटकथा तथा संवाद प्रदीप भारद्वाजले लेखेका हुन् । सनिष खकुरेल र अजित केआर थापा सहनिर्माता हुन् भने अंकित गौतम, सुरज कुँवर र विजय भण्डारी यसका कार्यकारी निर्माता हुन् । अभेद परवको छायांकन, हर्कुलेस बस्नेत, एसडी योगी, बियोण्ड र सलिन मगरको संगीत, सजु चन्द्रनको सम्पादन, सुजिल कर्माचार्यको पार्श्व संगीत, लंगनेस फर्नान्डेजको डान्स कोरियोग्राफी छ ।
घनश्याम लामिछाने निर्देशित यो फिल्ममा एबी इन्टरनेसनलको प्रस्तुतिमा गौतम प्रोडक्सन र अर्चिड भेस फिल्म्स लिमिटेडले निर्माणमा सहकार्य गरेको हो । अमित बस्नेतले निर्माण गरेको यो फिल्ममा आरोन बस्नेत, एरियाना बस्नेत तथा परी राना निर्माताका रुपमा छन् ।
फिल्ममा साम्राज्ञी, निश्चल र गरिमाका अलवा कविर खड्का, रुष्मा थापा, मनिश श्रेष्ठ, मनिष गान्धी लगायतका कलाकारको अभिनय छ । फिल्मलाई रोहित कट्टेल र रत्न श्रेष्ठको आरआर फिल्मस्ले नेपालभर वितरण गर्नेछ।
