सिमोस सुनुवारको निर्देशनमा फिल्म ‘जन्ते बाख्रो’ निर्माण हुने भएको छ । मंगबार यो फिल्मको निर्माण घोषणा गर्दै निर्माणपक्षले अभिनेता सौगात मल्ललाई अनुबन्धित गरेको हो।
मुईन इन्टरटेनमेन्टको ब्यानरमा बन्न लागेको फिल्मको मुख्य भूमिकामा अभिनेता सौगात मल्ल देखिनेछन् । सौगातसँग निर्माण युनिटले मंगलबार फिल्म अभिनय विषयमा सम्झौता गरेको हो ।
यो फिल्मको निर्माताका रूपमा सन्तोष गौतम र निर्देशक सिमोस स्वयम् रहेका छन् । फिल्मको कथा प्रदीप भारद्वाजले लेखेका हुन् ।
त्रिकोणात्मक प्रेमकथालाई रोचक तरिकाबाट समेटिने यो फिल्म गाउँले परिवेसलाई लिएर लाइट कमेडीमा जनरामा निर्माण गरिनेछ।
भदौदेखि सुटिङ सुरु गरिने यो फिल्मको लागि अन्य कलाकारहरू छनौट भइरहेको निर्माणपक्षले जनाएको छ।
