नायिका पूजा शर्मा अभिनित फिल्म ‘दान्भी’को ट्रेलर सार्वजनिक भएको छ। बिहीबार एक कार्यक्रमबिच निर्माण युनिटले यो फिल्मको ट्रेलर सार्वजनिक गरेको ho
सार्वजनिक ट्रेलरमा नायिका पूजा शर्माको दमदार एक्सन देख्न सकिन्छ। ट्रेलरमा एक्सनसङै नवनायक कुन्साङ बोमजोमसँग पूजाको प्रेमलाई पनि ट्रेलरमा प्रस्तुत गरिएको छ ।
आगामी असार ७ गतेदेखि रिलिज हुने फिल्ममा पूजा शर्मा र कुन्साङ बोमजोमको अलावा किरण श्रेष्ठ, विशाल पहाडी, राजाराम पौडेललगायतका कलाकारको भूमिका छ । नेपाल र भारतका विभिन्न स्थानमा छायांकन भएको फिल्ममा पवन राना मगर कार्यकारी निर्माता र देव मगर तथा अनुप गडाल निर्माता छन् । फिल्ममा कमला लिम्बु, पन्चबहादुर तामाङ र आदर्श पौडेल सह–निर्माता छन् ।
फिल्ममा सन्जोग कुँवर रानाको पटकथा तथा संवाद, रविना थापा मगरको कथा, हरिप्रसाद घलेको डीओपी, बन्दे प्रसादको सम्पादन, श्री श्रेष्ठको एक्सन, कविराज गहतराज र रामजी लामिछानेको कोरियोग्राफी छ ।
रुपेश तामाङको निर्देशनमा तयार भएको यो फिल्ममा नायिका पूजाले एक्सनका लागि निकै मिहेनत गरेको देखिन्छ।
