फिल्म ‘बाटोः रोड टु डेथ’ आजबाट प्रदर्शनमा आएको छ । मदन थापा निर्देशित थ्रिलर सिनेमा ‘बाटोः रोड टु डेथ’ नेपाली, तमिल, तेलुगु र हिन्दी गरी चार भाषामा बनेको छ ।
फिल्मका लेखक तथा र सम्पादक समेत रहेका थापाले सिनेमाले साउथका थ्रिलर फिल्मको फिल दिने बताएका छन् ।
फिल्ममा एक दिनको यात्रामा घट्ने घटनाको कथा समेटिएको छ । काठमाडौंबाट धरानसम्म यात्रा गर्दा घट्ने घटना फिल्ममा समेटिएको निर्देशक थापाले बताएका छन् ।
फिल्मको अधिकांश छायांकन गाइघाट र काठमाडौंमा गरिएको छ । फिल्ममा मिथिला शर्मा, सुलक्षण भारती, रक्षा थापा, उत्पल झा, पशुपति राई, किरण शाही, गणेश उपाध्याय, आभास अधिकारी, राजेन थापा, विजय आनन्द ताम्राकार, आशान्त शर्मालगायत कलाकारको अभिनय छ ।
