फिल्म ‘खुस्मा’ले दुई नयाँ पोस्टर रिलिज गरेको छ । अशोक थापा मगरको लेखन तथा निर्देशनमा बनेको फिल्मको दुई मध्ये एक पोस्टरमा फिल्मका प्रमुख कलाकार धिरज मगर तथा उपसना सिंह ठकुरीलाई रोमान्टिक भावमा देखाइएको छ ।
पोस्टरमा धिरजको अंगालोमा उपसनालाई देख्न सकिन्छ । दोस्रो पोस्टरमा उपसनालाई मात्र देख्न सकिन्छ।
असोज ३ गते रिलिज हुने फिल्मले मगर समुदायको पृष्ठभूमिमा प्रेमकथा पेस गर्नेछ ।
फिल्म एम मिडिया प्रालिको ब्यानरमा निर्माण भएको हो । फिल्ममा धिरज र उपासनासँगै माओत्से गुरुङ, खड्क बहादुर पुन, सुजाता राई, विजय संयोक सुब्बा, राजु रेग्मी मगरलगायत कलाकारको अभिनय छ ।
फिल्मका निर्मातामा वीरबहादुर लामा, चन्द्र बहादुर भट्टचन, बेतान मगर तथा मान बहादुर धनाह मगर र सुस्मिता बुढाथोकी रहेका छन् ।
