राजनीतिक कमेडी फिल्म ‘तै चुप मै चुप’ को निर्माण घोषणा गरिएको छ । फिल्मका कलाकार एवम् निर्माता सन्तोष अधिकारीको जन्मोत्सवको अवसर पारेर उक्त फिल्मको घोषणा गरिएको हो ।
सन्तोष अधिकारी फिल्म्सको व्यानर एवम् अस्याप इन्टरटेन्मेन्ट नेपाल र अस्ट्रेलियाको निर्माण सहकार्यमा बन्ने फिल्ममा घनश्याम लामिछानेको निर्देशन रहनेछ । फिल्ममा स्कृप्ट मनिष गौतमको रहेको छ ।
फिल्मको छायांकन काठमाडौं र पोखरामा गरिने छ । हाल फिल्मका लागी कलाकार र गीत सङ्गीत छनोटको काम भइरहेको छ ।
पोलिटिकल सस्पेन्स कथा रहेको उक्त फिल्ममा समसामयिक राजनीतिक घटनाक्रमहरूलाई कमेडी ढङ्गले प्रस्तुत गरिने निर्देशक घनश्याम लामिछानेले बताए । यस अघि पनि यही टिमले फिल्म ‘चित्रा’ निर्माण र प्रदर्शन गरिसकेको छ ।
फिल्ममा आशिष थापा मगर र प्रतिमा थापाको लगानी रहने छ भने फिल्मको सम्पूर्ण मार्केटिङ्ग र ब्रान्डिङ्ग आईडिया पिक्सेलका तर्फबाट पवन राज जोशीले गर्नेछन् । फिल्म आगामी वर्ष भित्र प्रदर्शन गर्ने तयारी रहेको छ ।
