नयाँ बर्षमा दयाहाङ र प्रकृतिको ‘बिहे पास’

चलचित्र ‘बिहे पास’को प्रदर्शन मिति तय गरिएको छ ।

अभिनेता दयाहाङ राई र अभिनेत्री प्रकृति श्रेष्ठको मुख्य भूमिका रहेको ‘बिहे पास’को निर्माण कम्पनी आरआर फिल्मस्ले यो चलचित्रलाई आउँदो नयाँ बर्ष २०८० को बैशाख १ गतेबाट रिलिज गर्ने भएको हो ।

श्रीपञ्चमीको अबसर पारेर बिहीबार दर्शकमाझ दुई डिजाइनका पोस्टर सार्वजनिक चलचित्रको फस्टलुकमा दया र प्रकृतिको बिहे भएको देखाइएको छ । एउटा पोस्टरमा दयाहाङ र प्रकृतिलाई मात्र प्रस्तुत गरिएको छ भने अर्काे पोस्टरमा उनीहरुको साथमा बुद्धि तामाङ,शिसिर वाङ्देल र रबिन्द्र झा देखिन्छन ।

प्रबेश पौडेलको निर्देशन गरेको चलचित्रलाई रोहित कटेल र रत्न श्रेष्ठले निर्माण गरेका हुन् । पूर्वी नेपालका बिभिन्न रमणीय स्थलमा खिचिएको चलचित्रआरआर फिल्मस् प्रोडक्शनको ब्यानरमा निर्माण भएको हो । चलचित्र बितरणमा आफ्नो बर्चस्व कायम राखेको आरआर फिल्मस्ले यसअघि ‘कृष्ण लीला’ निर्माण गरेको थियो ।

रोहित कटेलको प्रस्तुति, रत्न श्रेष्ठ कार्यकारी निर्माता, रोजन श्रेष्ठ निर्माता, ग्याल्जेन लामा र बालकृष्ण पाख्रिन सहनिर्माता रहेको चलचित्रमा श्याम राई ,बिशाल पहाडी, सुवास गजुरेल, हिउँवाला गौतम, रुषा न्यौपाने, नवीन शेरचन, उमा बानियाँ र प्रकाश भुजेल लगाएतको अभिनय रहेको छ ।

बिबाहको बिषयलाई मुख्य कथा बनाइएको चलचित्रमा शिव ढकालको छायांकन, मित्र डी गुरुङको सम्पादन, प्रवेश मलिकको संगीत, मर्रे केर, आकाश बराल, साजन काफ्लेको कथा, आकाश र साजनको पटकथा तथा संवाद छ ।

यही मितिमा यस अगाडि ‘प्रसाद २, नाई नभन्नु ल ६ र जारी’को पनि प्रदर्शन मिति तय गरिएको थियो ।


ताजा खबर