दयाहाङ राई मुख्य भूमिकामा रहेको चलचित्र ‘दुखी आत्मा’ले रिलिज डेट लिएको छ । दीपेन्द्र लामा निर्देशित चलचित्र फागुन २ गते रिलिज हुने भएको छ ।
दीपेन्द्रको लेखन तथा निर्देशन रहेको चलचित्रमा दयाहाङसँगै मुख्य भूमिकामा आँचल शर्मा, अनुपविक्रम शाही, बुद्धि तामाङ र रेयर राईको अभिनय छ ।
हिमाल कडरिया निर्माता रहेका चलचित्रका कार्यकारी निर्मातामा सुदीप ढकाल हुन् ।
आलोक सुक्लाको सिनेमेटोग्राफी रहेको चलचित्र आरआर फिल्मसले वितरण गर्ने निर्देशक दीपेन्द्रले बताएका छन् ।
यो मितिमा अर्को फिल्म ‘जेरीः अन टप’ पनि रिलिज हुने पक्का भइसकेको छ । शुक्रबार ‘दुःखी आत्मा’ले फागुन २ गतेलाई प्रदर्शन मिति घोषणा गरेपछि अभिनेता अनमोल केसी स्टारर फिल्म ‘जेरी अन टप’ एकसाथ प्रदर्शनमा आउने भएका हुन् । यसैले, बक्स अफिसमा अनमोल र दयाहाङ बक्सअफिसमा आमने-सामने हुने भएका छन् ।
