निरोज महर्जनको निर्देशनमा निर्माण भइरहेको चलचित्र ‘फेरी रेशम फिलिली’को छायांकन सकिएको छ । काठमाडौँ, पाँचखाल, बारा र चितवनमा खिचिएको चलचित्रको सम्पूर्ण छायांकन ३५ दिनमा प्याकअप गरिएको निर्माता रौनक विक्रम कँडेलले बताए ।
यो चलचित्र २०७२ सालमा रिलिज भएको फिल्म ‘रेशम फिलिली’को सिक्वेल हो । पहिलो शृङ्खलाका निर्देशक प्रनव जोशी र अभिनेत्री मेनुका प्रधान बाहेक विनय श्रेष्ठ र कामेश्वर चौरासिया ‘फेरी रेशम फिलिली’को मुख्य भूमिकामा दोहोरिएका छन् । अभिनेत्रीमा यस पटक सुपुष्पा भट्टले मुख्य भूमिका निर्वाह गरेकी छन् ।
चलचित्रमा विनय, कामेश्वर र सुपुष्पासँगै नीर शाह, लक्ष्मी गिरी, प्रकाश घिमिरे, शिशिर वाङ्गदेल, रविन्द्र झा, महेश त्रिपाठी, काजल कर्ण, एवनराज उप्रेती, मेक्सम गौडेल लगायतको अभिनय छ । ‘दिमाग खराब’का निर्माता रौनक विक्रम कँडेलको लगानी रहने फिल्मको कार्यकारी निर्मातामा सुरज बम ठकुरी र सह–निर्मातामा एनी थापा छन् ।
सिनेमा आर्र्टसको प्रस्तुति र वि मोशन पिक्चर्सको सहकार्यमा निर्माण भएको चलचित्रमा सुसन प्रजापतिको छायांकन, निरोज महर्जन र आकाश बरालको पटकथा तथा कालीप्रसाद बाँस्कोटा, एसडी योगी, हर्क साउद, जयन जे वाइवा र दीपक शर्माको संगीत रहेको छ ।
