चलचित्र ‘वसन्त’को गीत सार्वजनिक भएको छ । ‘साँझ पर्यो झमक्कै’ बोलको गीत निर्माणपक्षले आज काठमाडौंमा कार्यक्रम गर्दै सार्वजनिक गरेको हो ।
गीतमा स्वर प्रकाश सपूत र शान्तीश्री परियारको छ । शब्द र संगीत पनि प्रकाश स्वयंको छ । संवादबाट सुरु हुने गीतले प्रेमको कुरा गर्छ । ग्रामीण इलाकाको स्कुले दुई युवायुवतीबीचको प्रेम गीतमा छ ।
लोक दोहोरी र रोधीको सेटअपमा गीत तयार पारिएको छ । गीतको भिडियोमा केही विवादित शब्द प्रयोग गरिएको छ । जसले विवाद श्रीजना गर्ने निश्चितप्रायः छ ।
भिडियोमा चलचित्रका मुख्य कलाकारद्वय प्रकाश सपूत र स्वस्तिमा खड्काको अभिनय छ । खड्गबहादुर पुन, प्रभात पल, श्री शिवान्सी, उर्मिला लामगाधेको पनि गीतको भिडियोमा अभिनय छ ।
‘वसन्त’ प्रकाशको लेखन, निर्देशन, निर्माण, अभिनय, गायन र संगीत रहेको चलचित्र हो । यो सिनेमा चैत २२ गते रिलिज हुनेछ । उनका यअघिका सिनेमा र गीतका कारण यो सिनेमाबाट धेरैले अपेक्षा राखेका छन् ।
‘वसन्त’मा प्रकाशसँगै अभिनेत्री स्वस्तिमा खड्का, खड्गबहादुर पुन, प्रभात पाल, श्री शिभान्सी, उर्मिला लाम्गादेलगायतका कलाकारको अभिनय छ ।
गलबन्दी प्रोडक्सनको ब्यानरमा बनेको सिनेमामा मोहन विश्वकर्मा र विन्दू बोहरा निर्माता छन् । कार्यकारी निर्मातामा अनुरोध भट्टराई, नाना थकाली र वीरेन्द्रनारायण श्रेष्ठ रहेका छन् । मुख्य सहायक निर्देशक सुनील बिक हुन् । ‘वसन्त’ प्रकाशको डेब्यु निर्देशन हो ।
प्रकाश सपूतको डेब्यु सिनेमा ‘परदेशी–२’ सुपरहिट भएको थियो । हालै प्रदर्शनमा आएको दोस्रो सिनेमा ‘पूर्णबहादुरको सारङ्गी’ले पनि कीर्तिमानी व्यापार गरेको थियो । उनले निर्देशनमा पनि हात हालेका छन् । उनको ‘वसन्त’ डेब्यु निर्देशन हो ।
