सौरभ चौधरीको निर्देशनमा निर्माण भइरहेको चलचित्र ‘कर्मा’को पहिलो चरणको छायाकंन सम्पन्न भएको छ ।
गत मंसिरको अन्तिम साताबाट छायांन सुरु गरिएको चलचित्र दाङ आसपासका विभिन्न ठाउँमा करिब ४६ दिन लागाएर छायाकंन गरिएको निर्देशक चौधरीले जानकारी दिए ।
पहिलो चरणको छायाकंन सक्काएको सिनेमाको टिम काठामाडौं केन्द्रीत रहेको छ । निर्देशक चौधरीका अनुसार अबको १० दिनमा सम्पुर्ण सुटिङ सकिने छ ।
चैत्र २९ गते रिलिज हुने ‘कर्मा’को ४६ दिनको छायांकनमा करिब ९० काम सिकिएको चौधरीले बताए । उनले चलचित्रको छायांकन चरणबाटै सम्पादन र भिएफएक्सको काम हुदै आएको बताए ।
निर्देशक चौधरी भन्छन्, ‘हामीले दिन रात नभनी अत्यन्तै मेहनतका साथ काम गरिरहे छौं । छायांकन चरणबाटै सम्पादन र भिएफएक्सको काम धमाधम भइरहेको छ । अबको दुई सातामा पूर्णरुपमा छायाकंन सकिने छ । छायाकंन सकिएलगतै बाँकी पोस्टको काममा लाग्ने छौं । अहिले सम्मको काम कुनै बाधाअड्चन नभइ भइरहेको छ ।
यसबीच पूर्व घोषित मितिमा सिनेमा रिलिज नहुने हाल्लको खण्डन गर्दै उनी भन्छन्, ‘गलत हल्ला पछाडि नलाग्न आम दर्शकमा हाम्रो अनुरो छ । काम रफ्तारले चलिरहेको छ, हामी पूर्व घोषित मितिमै सिनेमा रिलिज गछौ ।’
‘कर्मा’को मुख्य भूमिकामा अभिनेता विपिन कार्की, अभिनेत्री उपासना सिंह ठकुरी, कलाकार मुकुन भुसाल र दिव्यदेव पन्त रहेका छन् । सिनेमामा मुख्य कलाकार बाहेक अन्य कलाकारहरूको को-को छन् भन्ने विषयमा कुनै जानकारी गराइएको छैन । निकट भविष्यमा उनीहरूको नाम सार्वजनिक गरिने निर्देशक चौधरीले बताए ।
यो अभिनेत्री चलचित्रमा उपासना अभिनेता कार्कीको जोडीको रूपमा देखिने छिन् भने मुकुन नेगेटिभ क्यारेक्टरमा देखिने निर्देशक चौधरीले बताएका छन् । विपिन र उपासनाले पहिलो पटक चलचित्रमा सहकार्य गर्न लागेका हुन् ।
एक्सन ड्रामा जनरामा निर्माण हुने यस चलचित्रको कथा निर्देशक चौधरी स्वयंले लेखेका छन् । निर्देशक चौधरीका अनुसार यो चलचित्रमा अभिनेता विपीनलाई पहिलोपटक एक्सन अवतारमा देख्न पाइनेछ ।
चलचित्र ‘कर्मा’लाई संजय लामाको छायांकन गरिहेका छन् ।
निर्देशक चौधरीले यसअघि ‘अगस्त्यः च्याप्टर १’को निर्देशन गरेका थिए । ‘कर्मा’ उनको तेस्रो निर्देशकीय फिचर सिनेमा हो ।
निर्देशक चौधरीलाई ‘अगस्त्य: च्याप्टर–१’बाट दर्शकहरू र समीक्षकहरूको राम्रो प्रतिक्रिया प्राप्त भएको थियो, जसले गर्दा ‘कर्मा’प्रति पनि उच्च अपेक्षा गरिएको छ ।
आर्टिस्टिक इनटरटेनमेन्टको प्रस्तुति रहने ‘कर्मा’मा बसन्त लम्सालको लगानी रहनेछ ।
छायाकंन सुरु हुनु अगावै अन्तर्राष्ट्रिय प्रदर्शन अधिकार बिक्री गर्न सफल भएको ‘कर्मा’ नयाँ वर्षको छेको पारेर आगामी चैत्रको २९ गते प्रदर्शनमा आउने छ । यो चलचित्रको अन्तर्राष्ट्रिय प्रदर्शन अधिकार सेभेन सिज सिनेमाले लिएको छ ।
