रेनशा वान्तवा राईद्वारा निर्देशित डान्स ड्रामा चलचित्र ‘ज्याकी : आई एम ट्वान्टी वान’को दोस्रो गीत सार्वजनिक गरिएको छ । ‘योद्धा’ बोलको गीतमा त्रिशला गुरुङ र प्रसिद राजोपाध्यायको स्वर, स्वप्निल शर्माको शब्द, स्वप्निल र रोहित शाक्यको संगीत छ । गीतमा चलचित्रका प्रमुख दुई पात्र धिरज मगर र जसिता गुरुङ फिचर्ड छन् ।
सुशान्त प्रजापतिको छायांकन र निमेष श्रेष्ठको सम्पादन रहेको चलचित्रका गीतमा द वाइल्ड रिपर्ज क्रुको कोरियोग्राफी छ । सोमनाथ खनाल र निर्देशक रानाले मिलेर चलचित्रको संवाद लेखेका हुन् । प्रभु शमशेर जबरा र प्रज्ज्वल शमशेर जबरा निर्माता रहेको चलचित्र आइकोर फिल्म्सको ब्यानरमा निर्माण भएको हो । पोस्टरदेखि टिजर-गीतसम्मले चलचित्रप्रति दर्शकमा उत्सुकता पैदा गरेको छ ।
आगामी बैशाख २४ गतेबाट प्रदर्शनमा आउने तयारीमा रहेको चलचित्रमा अरुण क्षेत्री, प्रेम सुब्बा, लुनिभा तुलाधर, पल्पसा डंगोल, राजु भुजु, सुजता राई, सूर्यमान लिम्बु, विकास जोशी, रिजोन परियार, सुशान्त गौतमको पनि विशेष भूमिका छ ।
चलचित्रको गीतमा कालीप्रसाद बाँस्कोटाको पनि संगीत छ ।
