चलचित्र ‘जय हो’को फस्टलुक पोस्टर सार्वजनिक गरिएको छ । निर्माण टिमले चलचित्रका दुई पोस्टर सार्वजनिक गर्दै आगामी भाद्र ८ गतेबाट प्रदर्शन हुने जानकारी दिएको हो ।
सार्वजनिक दुई पोस्टरमा चलचित्रका मुख्य कलाकार सलोन बस्नेत, केकी अधिकारी, अर्पण थापा, निशा अधिकारी र माओत्से गुरुङ फिचर्ड रहेका छन् ।
चलचित्रका दुई पोस्टर मध्ये एक पोस्टरमा केही व्याक्तिहरुलाई घोडामा आइरहेको देख्न सकिन्छ, भने उनीहरूलाई रोक्न फिल्मका मुख्य पात्रले तिर चलाइरहेको हेर्न सकिन्छ ।
यस्तै, अर्को पोस्टरमा अभिनेता माओत्से गुरुङ र निशा अधिकारीलाई मुस्ताङको लोकल गुरुङ पहिरनमा छन्, भने सलोन लामो कपाल र जुंगा फरक देखिएका छन् । अभिनेत्री केकी अधिकारी नाकमा बुलाकीसहित देखिँदा अभिनेता अर्पण थापालाई नाकबाट रगत बग्दै गरेको घाइते अवस्थामा देख्न सकिन्छ ।
सलोन सलिना फिल्मस्को ब्यानरमा निर्माण भएको चलचित्रका प्रस्तुतकर्ता शोभित बस्नेत हुन् । राज के अधिकारी र सुरज सरकारको लगानी रहेको चलचित्रलाई टेक पौरखी राईले निर्देशन गरेका हुन् ।
सौरभ लामाको डिओपी, शम्भुजित बास्कोटा र सागर आलेको संगीत, बनिश शाहको सम्पादन, सम्राट बस्नेतको द्धन्द्व निर्देशन, कविराज गहतराज र रामजी लामिछानेको कोरियोग्राफी, रेनिस फागोको कलर, समीर मियाँको भिएफएक्स, सुवाष काफ्ले प्रोडक्सन हेड, केवलमान सिंह बस्नेत प्रोडक्सन म्यानेजर र समिर खान प्रोडक्सन डिजाइनर रहेको चलचित्रका मुख्य सहायक निर्देशक दिप्त प्रकाश अधिकारी हुन् ।
