भोलीबाट रिलिज हुन लागेको दक्षिण भारतीय चलचित्र ‘आदिपुरुष’मा समावेश ‘जानकी भारतीय बेटी’ हुन् भन्ने वाक्यांश नहटाए महानगरभित्र हिन्दी फिल्म प्रदर्शन गर्न अनुमति नदिने बताएका छन् ।
फेसबुकमा स्टाटस लेख्दै उनले नेपालमा मात्र नभएर भारतमा पनि नसच्चिए फिल्मलाई महानगरमा प्रदर्शन अनुमति नदिने उल्लेख गरेका हुन् ।
चलचित्र सेन्सर बोर्डले नेपालमा ‘आदिपुरुष’ खरिद गरेका वितरकलाई ‘जानकी भारतमा जन्मिएकी हुन्’ भन्ने आशयको संवाद हटाउन निर्देशन दिएको थियो । सेन्सर बोर्डको निर्देशनपछि यो चलचित्रबाट सो संवाद हटाइएको छ ।
तर, अब काठमाडौं महानगरका मेयर बालेन शाहले नेपालमा मात्र नभई भारतमा पनि चलचित्रमा समावेश उक्त संवाद नहटाइए कुनै पनि हिन्दी चलचित्र काठमाडौं महानगरपालिका भित्र चल्न नदिने चेतावनी दिएका छन् । योसँगै चलचित्र रिलिज अन्यौलमा परेको छ ।
ओम राउतको निर्देशनमा तयार भएको यो चलचित्रले भगावन् राम र सीताको कथा भन्छ । फिल्ममा प्रभाष, कृति सेनन र सैफअली खान मुख्य भूमिकामा छन् ।
बालेनले सामाजिक संजालमा लेखेका छन्– ‘दक्षिण भारतीय फिल्म आदिपुरुषमा समावेश ‘जानकी भारतकी छोरी हुन भन्ने शब्द जबसम्म नेपालमा मात्र नभई, भारतमा पनि सच्चिदैन ।
तबसम्म काठमाडौं महानगरपालिका भित्र कुनै पनि हिन्दी चलचित्र चल्न दिइने छैन । यो सच्याउन ३ दिनको समय दिइएको छ । माता सिताको जय होस् ।’
