मंसिरको २९ गतेबाट रिलिजमा आउन लागेको फिल्म ‘दुई कदम’मा समावेश ‘काग भन्दा कोइली चलाख’ बोलको गीत आज सार्वजनिक भएको छ । सार्वजनिक गीतमा प्रताप दास र मेलिना राईको स्वर, डीपी खनालको शब्द र विकास चौधरीको संगीत छ ।
सार्वजनिक गीतमा फिल्मका मुख्य कलाकारहरु गौरव पहारी, इओन लिम्बु, सिमोन गिरीले नृत्य गरेका छन् । साथमा, फिल्ममा अतिथीको कलाकारको रुपमा देखिएका विल्सन विक्रम राइ र गीता ढुंगानाको नृत्य पनि भिडियोमा हेर्न सकिन्छ ।
उदय सुब्बा निर्देशित फिल्ममा सुनिल थापा, कविता आले, सुरवीर पण्डित, प्रेम सुब्बा, गौरव पहारी, बुद्धि तामाङ, अर्जुन गुरुङ, विमला लिम्बु, जिवन लिम्बु, चन्दा दाहाल र प्रितिका शर्माको पनि अभिनय छ ।
अजम्बरी फिल्मस्को व्यानरमा निर्माण भएको फिल्ममा तारा देवी लिम्बुको लगानी छ । यो फिल्मको छायांकन धनकुटा, तेह्रथुमको वसन्तपुर, इलाम, झापा र धरानमा गरिएको हो ।
दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रविन ढकालको सम्पादन रहेको फिल्मलाई रिच इन्टरटेन्मेन्ट र एफडी कम्पनीले वितरण गर्दैछन् ।
