लक्ष्मण सुवेदी निर्देशित फिल्म ‘सतीदेवी’को पोस्टर सार्वजनिक गरिएको छ ।
सार्वजनिक पोस्टरमा अभिनेत्री मलिका महतलाई कालो मोसो र जुत्ताको माला लगाएको भिन्न लुक्समा प्रस्तुत गरिएको छ । सार्वजनिक भएको फस्ट लुक हेर्दा फिल्म फरक र विशेष रहेको बुझ्न सकिन्छ ।
मलिकालाई घाटीमा जुत्ताको माला र अनुहारमा कालो मोसो दलेर मलिकालाई गाउँलेहरूले लखेट्दै गरेको तस्विर फस्टलुकमा समावेश छ ।
निर्देशक सुवेदीका अनुसार फिल्मको नाम सतीदेवी भएपनि हिन्दु धर्मकी देवी सतीदेवीबारे हुने छैन। फिल्मले एक ग्रामीण युवतीको संघर्षको कथा भन्नेछ।
यस फिल्ममा सुवेदी स्वयंको निर्माण, लेखन र गीत रचना रहेको छ । श्रीदेवी सुवेदी निर्माताको रूपमा छिन् । यसमा मलिकाका साथै हर्षिका वली, मञ्जिला बानियाँ, सन्दीप बाबु लोहनी, रमेश बुढाथोकी, कुलदीप अधिकारी, भोला सापकोटा, सृजना अधिकारी, सुजिता सिवाकोटी, सन्देश लिम्बू, मनिषा सापकोटालगायतको अभिनय रहेको छ ।
गोल्डेन स्टेट मुभी मेकर्स एलएलसी क्यालिफोर्नियासँगको सहकार्यमा दिलासा क्रियशनले संयुक्त रूपमा निर्माण गरेको यस फिल्मको प्रदर्शन मिति भने तोकिएको छैन ।
