चलचित्र ‘गोर्खा वारियर’ आजबाट रिलिजमा आएको छ यस चलचित्र ले नेपाली चलचित्र क्षेत्रमा नयाँ विषयवस्तु बोकेको । मिलन चाम्सको निर्देशनमा तयार भएको यो फिल्मले सन् १९४९ मा मलाया जंगलमा गोर्खालीहरुले देखाएको वीरताको कथा भन्छ ।,
१ घन्टा ५० मिनेट लामो यो चलचित्रको मुख्य भूमिकामा रितेश चाम्स छन् । उनको साथमा चलचित्रमा विजय लामा, रेअर राई, रेबिका गुरुङ लगायतका कलाकारको अभिनय छ ।
चलचित्रको मेकिङ उच्च छ । मिलन चाम्सले नेपाली चलचित्रमा नयाँ प्रयोग गरेका छन् । मलेसियाको जंगलमा नेपाली गोर्खाली सेनाहरूले वीरताको साथमा लडेको कथालाई मिलनले देखाएका छन् ।
द्धन्द्ध निर्देशक हिमाल केसी र छायांकार सुदिप बरालको मिहिनेतको पनि प्रशंसा गर्न सकिन्छ । हिमालले नयाँ शैलीको एक्सन कोरियोग्राफी गरेका छन् ।
गोर्खालीहरुको इतिहासको कथा र उनीहरुको बहादुरीताको दृश्य हेर्नका लागि पनि यो चलचित्र हलमा गएर हेर्न आवश्यक छ
