वसन्त निरौलाको निर्देशनमा बन्न लागेको नयाँ फिल्म ‘ज्वाइँ साब’मा हाँस्य कलाकार हिमेश पन्त अनुबन्धित भएका छन् । निर्माणपक्ष र उनीबीच फिल्मका लागि कागजी सम्झौता भइसकेको छ ।
रेड आई फिल्मस्को प्रस्तुति, ओएसआर डिजिटल र मौसम फिल्मस्को ब्यानरमा निर्माण हुन लागेको यो फिल्ममा यसअघि कलाकार जितु नेपाल र नायिका नीति शाह फाइनल भएका छन् । राज कुमार पण्डितको निर्माणमा तयार हुने यो फिल्ममा हिमेशको भूमिका के हुनेछ भन्ने खुलाइएको छैन ।
यो फिल्मको छायांकन वैशाखको १५ गतेबाट सुरु गर्ने तयारी गरिएको छ । फिल्मलाई आउँदो बर्षको तिहारमा रिलिज गर्ने घोषणा यसको निर्माणपक्षले गरिसकेको छ ।
सामाजिक कथावस्तुलाई कमेडी शैलीमा भन्ने यो फिल्ममा मीना देवी खड्का, सौगात पण्डित र पदम तामाङको लगानी छ । फिल्मका कार्यकारी निर्माता विजय बस्याल हुन् । फिल्ममा सविन अधिकारीको कथा, शंकर धितालको पटकथा तथा संवाद छ ।
हिमेशले यसअघि मिलन चाम्सको फिल्म ‘वर एण्ड बधु र शमशेर’ साइन गरिसकेका छन् ।
