अभिनेत्री झरना थापाले निर्देशन गर्ने चलचित्र ‘भगवत् गीता’मा विपिन कार्की अनुबन्धित भएका छन् ।
निर्माण कम्पनी र विपिनबीच बुधबार लिखित सम्झौता भएको हो । विपिनले निर्माता सुनिलकुमार थापा र निर्देशक झरना थापासँग कागजी संझौता गरेका छन् । विपिनले चलचित्र ‘प्रसाद २’को छायांकन सकेलगतै सम्झौता गरेका हुन् ।
धिरज मगर र सुहाना थापाको मुख्य भूमिका रहने चलचित्र ‘भगवत् गीता’मा अर्को एक प्रमुख पात्रमा विपिनको प्रवेश भएको हो ।
यो चलचित्र सुहाना इन्टरटेन्मेन्टको ब्यानरमा निर्माण हुन लागेको हो । यस चलचित्रको छायांकन चैत्रबाट सुरु गर्ने योजना निर्माताको रहेको छ । चलचित्रमा सञ्जय लामाको छायांकन, साहिल खानको सम्पादन, रामजी लामिछानेको कोरियोग्राफी रहनेछ ।
