फिल्म ‘होस्टेल ३’को प्रमुख भूमिकामा रिहान गिरी, पदम तामाङ र सिम्रन पन्त अनुबन्ध भएका छन् । यसअघि यस फिल्ममा प्रमुख भूमिकामध्ये एकमा टिकटकर पारस बम अनुबन्धित भएका थिए ।
यी चार कलाकारसँगै यो फिल्मको लाइनअप पूरा हुने क्रममा छ । निर्देशक सशान कँडेलका अनुसार प्रमुख भूमिकामा अझै दुई कलाकार आवश्यक छ।
यही फिल्मबाट डेब्यु गर्न लागेका रिहान गिरी भुटानका नागरिक हुन् । उनी नेपाली गायन रियालिटी शो ‘भ्वाइस अफ नेपाल’को चौथो संस्करणको टप १० फाइनलिस्ट समेत हुन् ।
अर्को प्रमुख भूमिकामा अनुबन्ध भएका पदम तामाङ भारतको सिक्किमका स्थायी बासिन्दा हुन् । उनी सिक्किममा बहुचर्चित कमेडी कलाकार हुन् ।
निर्देशक कँडेलले यस फिल्ममा होस्टेलमा बसेर अध्ययन गरिरहेका टिनेजर र उनीहरूको भविष्यका घटनाहरूमा आधारित रहने बताएका छन् ।
