पारिवारिक कथावस्तुमा निर्माण भएको फिल्म ‘सानो संसार’को टिजर सार्वजनिक भएको छ ।
आगामी असोज ११ गते प्रदर्शनमा आउने फिल्मको शुक्रबार सार्वजनिक टिजरले एउटा मध्यम वर्गिय परिवारले जीवन चलाउन गर्ने संघर्षको कथा प्रस्तुत गरेको छ ।
सिद्धार्थ पुडासैनीको निर्देशनमा बनेको फिल्मको टिजरमा सहरमा बसोबास गर्ने एउटा मध्यम वर्गीय परिवारको संघर्ष, आम्दानी नहुँदा उत्पन्न कलह र सन्तानको विदेश मोहलाई मर्मस्पर्शी रुपमा देखाएको छ ।
पुडासैनीले यही फिल्मबाट लेखन तथा निर्देशनमा डेव्यु गर्दैछन् । उनलाई फिल्मको कथा लेखनमा सरिष्मा खत्रीले सघाएकी छन् ।
निर्माता अर्जुन कुमारको लगानीमा निर्माण भएको फिल्ममा हास्य कलाकार केदार घिमिरे ‘माग्नेबुढा’की श्रीमती सीतादेवी तिमल्सेनाको मुख्य भुमिका रहेको छ । सिनेमामा सीताका अलवा राज पंगेनी शर्मा, अनु दाहाल, अन्जसा रिजाल शिशिर सिवाकोटी, सरिता भण्डारी र जीवन गौतमको अभिनय रहेको छ । यी सवै कलाकारले नेपाली रजतपटमा डेव्यु गर्दैछन् ।
राजधानी मिडिया एड प्रोडक्सन र प्रिन्सेस मूभिजको व्यानरमा निर्माण भएको फिल्मका निर्माता अर्जुन कसमार र कार्यकारी निर्माता माधव वाग्ले हुन् ।
प्रवीन खड्काको छायांकन र रोमी तन्डुकारको सम्पादन रहेको फिल्मलाई राजधानी मिडिया र प्रिन्सेस मूभिजले संयुक्तरुपमा प्रदर्शन गर्दैछन् ।
